[معلومات العضو عبدالرحمن الشرافي]

السلام عليكم ورحمة الله


هذه قصيدة قلتها مجاره لقصيدة اخوي الغالي/ سالم بن صمهود

والقصيد الجزل يشوق الشاعر ...



وهذا رابط قصيدة اخوي سالم : http://www.alduwasser.com/vb/showthread.php?t=32954


واعتذر منكم ومن اخوي سالم على التقصير ...


وهذه قصيدتي المتواضعه ....

قافن سمعته من جزيل التماثيل = جدد على قلب المعنى وجووعه
سالم ولد صمهود نسل الحلاحيل = طبوع الرجال الوافيه من طبوعه
لا من هرج يصدق ولا يرخي الكيل = كالحر دايم للعوالي شلوعه
يا مرحبا ترحيبة البدو بالسيل= باللي جنوب الدار بانت نجوعه
سهيل هلّ وجات معه التساهيل = ومن يوم شيّف القلب مافيه لووعه
فيالله يالخلاق يا عادل الميل = تامر على اللي فالعوالي سطوعه
يرخي مقاديمه على الدار ويسيل = حتى الجبل تملا من الماء فروعه
و يصير فيها للخزاما تماييل = مع عشب روضً فيه من كل نوعه
به شبعة الحاشي على مثل ماقيل = و الوضح ترد اللي قراحً جروووعه
وضحً تزين ابها زيان التعاليل = فيها من النجم الجنوبي لموعه
وضحً ليا دق اللبيد وجاها الويل = فيها من الجندي آدابه وطوعه
من دونها يثنون ربعن مشاكيل = تصعب على العيال من حب كوعه
لاقرّب وشافي الشمطري بتفصيل = تدخل على قلبه ثمانين رووعه
تمت ..ترى الرابح ياسالم بذا الجيل = اللي لقول الله مرخي سمووعه