عسى اللي حفظ يوسف على والده يعقوب = يحفظ الذي من عقبه العين سهرانه
فلا ذقت عقبه لذّة الزاد والمشروب = محاجر عيوني بازرق الدمع غرقانه
ألا واعذابي عقب فرقاك يالمحبوب = وحالي عقب فرقاك يزداد نقصانه
وقلبي من اللوعات ياصاحبي مصيوب = الى من ذكر ما فـات تشتبّ نيرانه
حسيبي عليك الله ماحتلت عنك آتوب = وقلب(ن) جرحته كيف ترضى بنسيانه ؟
غرامك غلبني واعترف لك أنا المغلوب = أسيرك دخيلك تنقذه عقب حرمانه
ولولا الحياء لارفع بصوتي واشق الثوب = وابيّح بسد(ن) طال يازين كتمانه
ولكن ابصبر واتصبّر على المكتوب = وابرضى بما جاني من الله سبحانه
كل سنه وانتوا هنا بهاالسجل