هذه قصيدة قالها الشاعر محمد بن عايض آل مطره العرجاني في ابن العم / سالم بن سحيم الضباعين وفي حالة توفر الرد سأضعه هنا بإذن الله:-
(سالم بن سحيم الضباعين)
مبدا المشاعر بتكبيره وهلاّله = واختار جزل المعاني من قوارعها
من غير همٍ وحملٍ أشكي ثقاله = سلام للي سلومه ما يقطعها
ينصا بني مسعرٍ كسابة الطالة = مرفوعة الراس والتاريخ رافعها
رجالهم ينطح العدوان بلحاله = والمسعري لا زهمته جاك بايعها
لاهنت لاهنت ياللي جاله وجاله = خليت من ضيّع سلومها يجمعها
إن قلت سالم فعوله تسبق أقواله = وإن قلت كل المراجل قيل منبعها
الدين والمرجلة والعز تهياله = الله خلقها وسالم خلق رابعها
خصايل ماكنها خلقت إلا له = وسلم القبيلة تشوفه في طبايعها
الطيب لابن سحيم منهج ويبقاله = سيرة جدودٍ تقديها روابعها
يفداه من في خويه تقصر حباله = اللي علومه تضيّق صدر سامعها
ويفداه ناسٍ تجر البشت مختالة = باعت معزة نباها في مطامعها
يفداه من في المجالس ينصب عقاله = ما ينطح الشيء والفتنة يولعها
أحدٍ على ستر عرضه يرخص أمواله = وأحدٍ يدّور على الزلة وبايعها
وتضيق دنيا الفتى لأنه سبب حاله = ولا على اهل الوفاء ربي موسعها
ليت الردي ينوسم في وجهه أشلاله = حتى هل العرف ماتشكي مواجعها
والهرج تكفي جزيلاته عن طواله = واللي يشك بردا نفسه يراجعها