إلـيـكـم هـذهـ الـقـصـيـدة والـتـي قـلـتـهـا فـي اجتـمـاع ابـنـاء عـمـي
بـمـنـاسـبـة عـيـد الـفـطـر فـي الـخـرفـه لـعـ 1428 ـــام:
هــلا مرحبا ترحيبت(ن) تبدي سوات النور=تراحيب(ن) سوات النور في جو السما العالي
عدد ما شالوا الشيله عدد ما جروا المجرور=عدد ما بان في جو البسيطه شمس وهلالي
هلا مرحبا بالضيف والطرقي وراع الدور=اقوله بالنيابه عن حزامي والله الوالي
اقوله عند ربعي عزوتي يوم الأمور عسور=جبال(ن) فالجزيرة في ذراها يأمن الجالي
وفارسهم بوقت الحرب واحد عن مية طابور= يوردها لو ان الجمع يزمي كنه خيالي
مواقف شهيرة يوم كل(ن) له فعل مشهور=ليان(ن) للرفيق وخصمهم يعطونه الصالي
وعليَه بالحرام ان الليالي ما عليها قصور=لكن اسم ربعي عزوتي في خافقي غالي
على الخرفه واهلها سلام(ن) بالوفا مغمور=هل اليمنى الكريمه يوم سيف الجوع قتالي
((وأنا غييثي من ارجال الدواسر مركزي معمور=على وجه البسيطه لو تميل الأرض ما مالي))
تدور دهور ولا عصور ولا سنين ولاشهور=قوي الباس ماينداس دايم منزله عالي
تموت البوم فبيوت الخرابه والصقور صقور=وعوايدنا الدواسر نزلنا فالعز ما زالي
وانا شاعر ليا جيت المحافل مكسبي جمهور= ليا ارضيته يكفي عن الدنيا والاموالي
وصلاة الله على الهادي عدد ما بان ضوح النور=عدد ما بان ضوح النور في جو السما العالي
الشاعر/ سلطان بن جزاء الغياثات
وتـــرقـــبـــــوا قــصــيــدة عــــ 1429 ــــام ..قـريـبـاَ..