كل عام
وانتم طيبين
اخواني واحبابي والله
يطول عمر ابوي وابائكم الحيين
ويرحم الميتين ويتجاوز عنهم ويثيبهم
ابيات كتبتها تعاطف مع احد الاخوان عندما
اطلعت على ظروفه وشرحها لي والله
يكون بعونه ويرزقه
واتمنى اني
صورت
الموقف بأقل
ما يجب ان يكون يوصف ويصور
والمعذرره والله يكوووووون بعون الجميع
قالو تزوج قلت وش لون ياحيف =ماني بمتزوج لين القى وظيفه
وتعبت ماعينت شغله وتوظيف =واش ذالحياه المكلفه والصليفه
اثر الزمن يقطع بحده كما السيف =من عمري اقتص اكثر من النصيفه
وعوت من وسط البلد يمة الريف=ودنياي رغم الوسع سارة قظيفه
وراحت سنين العمر من صيف لاصيف=وثقلت حمولي عقب كانت خفيفه
توفى ابويه مكرم الجار والظيف =وترك علي بعده حمولٍ كليفه
الشايب اللي يحتمي باالمواقيف=من بعده الدنيا بوجهي كسيفه
وش لون اقوم ابشيل كل المصاريف =وانا موفقت ابوضيفه شريفه
والعلم مايخفى الرجال العواريف =مايجهله غير العقول الخفيفه
الله عبد باالعقل باالعين ماشيف =ونوره تجلى فاالعقول النظيفه
واليوم في صدري جروح منازيف =والجرح الاول في تجدد نزيفه
سارة جروحي فوق قلبي مراديف =كل ماظمد جرحٍ تولى رديفه
عصتني الدنيا ماجتلي على الكيف=ومحداً بهاالدنيا مخير بكيفه
يالله يامولف قلوب المواليف=يباعت محمد بدين الحنيفه
انك تجنبني شرور الصواديف =واسألك ياربي بياض الصحيفه
وسلامتكم