[معلومات العضو محمد الغريري]

بسم الله الرحمن الرحيم

و الصلاة و السلام على من لا نبي بعده محمد ابن عبدالله وعلى آله و صحبه و سلم ..


كتبت هذه القصيدة مفتخراً بفعل جماعتي " الغرره " عندما حصلت مشكله على احد

ابناء قبيلتنا و كانت عليه دية و قاموا الغرره بسدادها كامله خلال اسبوع من علمهم بها

و تم ايفاء المبلغ كامل ..

و ذكرتها هنا حسب طلب بعض الاخوان و الاعضاء ..


وإليكم ما خطته يداي من قصيدة متواضعه اضعها امام ناظريكم لقراءتها ..

ابدا ذكره في قصيدي ربنا جّلا جلاله = ربنا رب الخلايق ربنا به نستعيني
خالقٍ للكون كله و مرسي ارواسي جباله = منعم بفضله وجوده و بالفضايل محتويني
و القصيد اللي اقوله ما يميل ابلا استماله = دام قولي في محله و يقهر ناسٍ خايبيني
احمد الله لي قبيلة .. اغرره من اهل الشكاله = ما جهلنا كود جاهل .. ومن عرفنا : غانميني
كل فعلٍ للنشاما .. و كل علمٍ له مجاله = و فعلنا هو فعل طيب و فعلنا لازم يبيني
يا سعد ماهمني فعل الردي لارخى حباله = يا سعد ما عزني قرب الردي في كل ليني
ومن نصانا سِعد يومه و بشره ابطيب فاله = نكرم الضيفان حنا .. ونذبح الهيف السميني
والردي ما نقربه و يا جعل هو يقرب زواله = اغرره وقت الشدايد .. تجعل القاسي يليني
سِعد منهو من ربوعه مفلحٍ يوم ارتكاله = و محمد النفجان قرم و مزبنٍ للخايفيني
وفهد ابن هادي فديته من نصاه ينساح باله = وذاك بتالٍ بفعله فعل قومٍ وافييني
و زيد ابن حسن كريم و فزعته لاهل الجزاله = و كل منا فيه حقه .. و كل ربعي خابريني
ومن بخل من دون ربعه يشتكي من قل ماله = جعل ماله للذهاب .. ان كانه امن الكاذبيني
قلتها و انا اغريري طيب وقد طاب فاله = كاسب الطالات دايم .. فازعٍ في كل حيني
آترفع في مقامي عن دروب اهل الرذاله = و انقهر لا شفت نذلٍ من رجالٍ طيبيني
ابن مدعث يا جماعه ابن عم اهل الجماله = ابن عم عليه ديه .. و افزعوا يا لايميني
انا ابن عمه في الشدايد و ان جراله ما جراله = و ان جراله ما جراله قسمةٍ بينه و بيني
وابن عمٍ في الرخاوي قلعته مالي وماله = و لا تردا الطيب فينا لا اجيه و لا يجيني
اكسب فعول المراجل يوم غيري ما طراله = غير كسبٍ للفشايل و للردى امحصليني
وارث من الطيب جدي و المراجل و الشكاله = و وارثٍ للصيت حتى .. موّرثٍ سيفه يميني
والى ذكرت فعل جدي افتخر و اقول طاله = طالةٍ نرقى لها ومن فعل جدي وارثيني
انشدوا التاريخ عنا .. فيصلٍ ما احدٍ ازاله = انشدوا التاريخ عنا .. من زمان ومن سنيني

اخوكم في الله

محمد الغريري