بسم الله الرحمن الرحيم.
السلام عليكم ورحمة الله وبركاته.
اجدد القاء بكم احبائي في الموقع الرسمي الدواسر بهذه القصيده.
راجي وامل تفاعلكم المعهود اذا كانت اهل لذلك.. |
الحال يالي تقول اشلى ماهوب اشلى = الحال من حب بعض الناس متردي
اقول يمكن معا اليام منه اسلا= والمسئله حسب ما اشعر عودت جدي
يركي على القلب كيّاته واقول أحلا =قمت اتبعه وأمر قلبي ما هو بيــــدي
بدايته كان تمثيل عساه اتلا=لعاده الله ولا من جابها عنــــــــدي
موضوعها قصة للمخرجه (نجلا)=قصة غرام جرت في سالف العهدي
جيت العب الدور اناعنتر وهي عبلا=والنص مفتوح ماله سقف وحدي
حاولت ما أطب في المحظور الأعلى=ماخرج عن النص في المضمون والسردي
لكن هيهات تلقى بالهوى عدلا=مجبور تيار طاغ الحـــــــــب جاء ضدي
لانا ولاهي بغينا ماحصل كلا=سيف الهوى طاف سيف العذل مايمدي
نلعب بنار الهوى وقلوبنا وجلى =لين استعزت شبوب النار بالكبـــــــدي
والنارلا ولعت ماتنتظر مهلا=مايطفي النار كون البارد الشهدي
ياراعي الجمرتين الدمث والذبلا= يابري حالي على هذيك ياوجدي
يا أجمل معاني لإسم هيفا واسم بتلا= ما تحتويه ابلغ من الوصف والعدي
كان اليالي بعذب مواصلك حبلا=يامتعة الشوف ياحضي وياسعدي
يا اصعب السهل جعل الصعب لي سهلا= ماعاد عقبك ولاقبلك لي مودي
اسدل ستار النهايه مابقى فصلا=لاجيك من ضغط حبك فاقد رشدي