تمر الحياة بناس راحو وهم غالين = وتقفي بناس حالف ماتناساهم
صحيح ان فرقاهم عذاب علي وشين = عسى ماوطاني من العنى ماتوطاهم
تنحت بهم سود الليالي وهم عجلين = مقدر لونه يكسر الحال فرقاهم
مقادير وظروف الليالي لها وجهين = فرحنا بلقياهم وبكينا لفرقاهم
ولكن يعزيني عن فراقهم ثنتين = غلاهم مقيم ودمعة لاذكرناهم
تهون الجروح ان كانهم يمنا سالين = وانا تجبر جروحي الى مر ذكراهم
احسب الغلا انه راح وثره الى ذا الحين = تغير بزود ومايقارن بما جاهم
وانا في رجاهم لو يمر الفراق سنين = عسى الله مايقطع رجى من ترجاهم
ولكن بوضح حاجة توضع بقوسين = غلاهم مقيم وحالف ماتناساهم
صح لسانك...ابيات جزلة فيها من العاطفة الصادقة...سهله ممتنعه
سجل اعجابي واتمنى ان ارى المزيد من ابداعاتك يابن فهيد.....
تقبل مروري