العمر مره والحياة دروس والدنيا عبر = والرابح اللي يتعض في ذا الحياة من الدروس
والصبر ياصدر الشمالي ضاع يالله الصبر = تعبت من رفقة هل النمات بيضان الضروس
اهل النمايم والفجر وهل الظلايم والكبر = لابارك الله في معرفتهم وفالوجه العبوس
يسعون فعراض العرب ونحصلو طارف خبر = تناقلوه وزودوه بزور ضعاف النفوس
وان جاتهم عيله من العيال ماراحو شبر = وعلى الرفيق اشد حرب (ن) دوم من حرب البسوس
كنهم على غرات خلق الله مراقيب وسبر = اضعاف الانفس قاطعين الوصل عباد الفلوس
مايعلمون ان الكتاب يخط بمداد الحبر = وماميزو بعيونهم فرق العدود من الرسوس
تجبرة كل العظام وماجبر منها جبر = وتغيرة جرد الفياض ومالفو منها عسوس
والعمر فرصه والحياة دروس ومثال وعبر = وانا استفدت من التجارب واتعضت من الدروس