مني تحية على أهل المنتدى=إعداد ماهلت هماليل الغشين
اللي سعوا بالطيب مافيهم ردى=قاموا على الموقع بعزم مايلين
موقع قبيلتنا عمى عين العدا=لاد الدواسر هم كعام العايلين
أهل الفعول الخالدة وأهل القدا=وأهل المفاخر وأهل السلم الثمين
لامن وزانا مجرم يرقا شدا=يامن ويسلى عن هموم الطالبين
وخوينا توسم عصاه وتشهدا=ويمشي بها في دارنا في كل حين
يشهد لنا التاريخ والناس شهدا=ومنزالنا بالمجد فوق الفرقدين
ولو أبغي التفصيل ماعندي مدى=مااحصي مآثرهم على طول السنين
وختامها مثل الذي في المبتدا=شكري وتقديري عساكم سالمين
من شاعر لاجا الندا لبى الندا=واللي تبونه يا النشامى حاضرين
[/QUOTE]
صح الله لسانك يا مسفر ملايين ..
قصيده جزله ,, و مصافحه اولى رائـــــــعه منك طال عمرك ....
زاد نور المنتدى نور ,, ويشرفنا تواجدك معنا
شاعر مبدع ,,
و اخ عزيز ,,
و عضو كريم ...
نتمنى ان نرى ابداعاتك بالقريب العاجل ,,
و نتمنى لك طيب المقام معنا في هذا المنتدى الشامخ بشموخ اعضاءه ...
و لك صادق الود ,, و عذب التحايا ..