اقتباس:
المشاركة الأصلية كتبت بواسطة نادر الناهشي
ابوثمام صراحة فتحت الصفحة وشفت قصيدتك الجزلة
وحبيت اجاريها...والمعذرة للاخوان لاني مابعد رديتيت عليهم
ويامرحبا واهلين يالوافي الحلحيل=رفيق يجاريني على القاف بالايشي
مدحني وانا واياه من لابة التبجيل=هل الجود والبارود والزود والريشي
هل العلم والناموس والكسب والتحصيل=دواسر طوال الزرق واهل المغابيشي
شكيت الزمان اللي على الناس قيل وميل=غدى الحر مر وشاخ راع الطرابيشي
فلاتلتفت للوقت والخيل مابه خيل=رجال الدلال وراح ناس مداغيشي
غدينا بهذا الجيل والليل والكوكتيل=وعسى الله يخارجنا من الغش والطيشي
رقى فيه متعوس الرجاء والدراهم شيل=ولو كان جده من حساب الدراويشي
|
صحت ابدان الجميع وخص ابومطر وياشاعرنا نادر مجاراتك مكسب
ولعيونك وعيون ابن العم نايف الخييلي
يدوم البقا ياشاعرٍ مانقص فالكيل=من الآد ودعان القروم المداغيشي
مدحتك واعدك للمدايح كفو بالحيل=ومدحي على غيرك بعيد المناويشي
هذا منهجي لكن هل الزيف والتطبيل=تنفّخ ذروبها بأيش والا على ويشي؟
دلوخٍ تحسبنّها تعدت مقر سهيل=وهي للاسف من عرض باقي الخفافيشي
أقوله وانا ماني على السايمه وِكيل=شهارا السراه الي زهت بالدناديشي
ويانادر صحيح اليوم شاخ الذنب والذيل=غدا راس لاكن ما براسه نغاميشي
تبين الحقايق فالبنادم من التمثيل=ليا عمست الاريا وطاش العقل طيشي
يشيل الحمول اشعيل لزرت جمال اعقيل=اصيلٍ ماحصّل شيخته فالبخاشيشي
ويبن ناهش فوق الالف عد الخطا بالميل=وليا قلت لا , ذي قفلت القاف بالشيشي