اقتباس:
المشاركة الأصلية كتبت بواسطة ابو زيد الغييثي
اللي ذبح على يد يام " سند بن فرج بن حفيظ " وكان في جوب الدهناء في الجوب اللي شمال ٍ من خريص حيث وقعة معركة بين يام والدواسر بعد أن قتل الدواسر المرضّف شيخ آل مره . وحصلت معركة و ان ذبح اليوم سند بن فرج من الدواسر وذبح من آل مرة ابن الدعيّه من آل سنيد من البحيح
وقول ابن حفيظ في اللقاء " اما سند بن محمد بن حفيظ ، فالذي قتله هو ابن الرومي من قوم ابن عقيّل من الدعاجين عتيبه .وذبحوا الشكره ناصر ابن عقيّل العقيد في ساعتها .
ذُبح سند بن محمد بن حفيظ من الشكره وذُبح ناصر بن ابن عقيّل الدعاجين في وقتها ، وهذا على بداية حكم الملك عبدالعزيز بن عبدالرحمن .
وقصتهم أنهم جميعهم غزوا ذولا قوم وذلا قوم ، وتواجهوا وتنابوا بينهم بالكلام ، وقالوا : مالكم فينا لحام ولا لنا فيكم لحام وكل ٍ يروح في فاله .
قام واحد من الدعاجين وكان أول مغزى له وغلام توه ظاهر ، ولاحظ الرجال (سند) اللي مشهر ٍ على الذلول الزينه ولبسه زين ، ووده يتفوّه بذا الرجال الشّهر ، وثور عليه فجأه وبدون سابق انذار وثوّر عليه بالبندق لينه ذابح سند .فيقوم واحد من الشكره اسمه( مرضي بن خليّان من آل موسى الشكره ) في نفس اللحظة ويثوّر على ناصر بن عقيّل الدعاجين لينه فاقع ٍ راسه .
وليـن ذا نـد ٍ لـذا ."
|
اسف على المداخله مره ثانيه ,, اخوي ابو زيد الغييثي انت تأكد مقتل سند بن حفيظ سواء بن فراج او بن محمد ورواة يام مره يقولون سند بن حفيظ ومره يقولون سند الخييلي ومرره يقولون عقيد من عقداء الدواسر اسمه سند يعني أي سند ماهم مثبتين تناقض منهم وفيهم ,, وياريت تفيدنا يابو زيد بعد عمرك سمعت ان الدواسر أدو جزيه لاحد القبايل ولا ساقو الهدو لاحد القبايل مثل مايدعون (يام) هذا ماعتقد يرضاه العقل ولا المنطق لو صحيح كان شعار( يام) كلها انشدت قصايد بسالفه الجزيه ..
وشكرا على المعلومه اخوي ابو زيد على المعلومه أن الفارس سند بن محمد بن حفيظ قتل على يد عتيبه ,,ياريت اذا في قصيده رثاء في سند بن محمد تحطها على شان تعم الفائده للجميع ودمت برعايه الرحمن اخوي