[معلومات العضو نادر الناهشي]

اخواني ارجو ان تتقبلوها وتنال اعجابكم

الله من قلب جروحه تهده= ومن اول مثل الجبال العظيمات
من ساحل الدمام لاغرب جده=لامنفذالخرخيرلين القريات
ضاق الفضاء والكون في ظرف مده =حتى ولوخضت البحور الغزيرات
يامزينات الكون للجن عده= يالرض ياجبال الفضاء يالمحيطات
نادر براه الوجد من قو سده =والصبرلزحول الرياجيل ميزات
لامن ظواه الليل ثم زاد وجده= خطر على ظلوعه تكسر بزفرات
كني صويب كسر في الحرب عضده=حالو عليه القوم والحرب جولات
لافادبه خاله ولافاد جده=ولافادبه ربع زحول وسادات
ياللي تجيب العلم ياللي ترده =يامدونينه من عصور قديمات
هم الخلايق بين لين وشده=جانا الخبر في بعض كتب الروايات
يكون قلب وصل بالشين حده=يغضي ويجحدوالخلايق حقيرات
سود الليالي بالبلاوي تمده =من كثرصكاته غدى همي اشتات
يالله عسى الزراع ماضاع كده=واعوذبه من شر حاسد وشمات