بسم الله الرحمن الرحيم
هذه القصيدة كتبتها في سيدي صاحب السمو الملكي الأمير /سلمان بن عبد العزيز -أمير منطقة الرياض-ويستاهل المدح ابو قهد ولاهوب غريب عليه الطيب :
|
مادام سلمان على الحكـم موجـود=هذا سنام طويق وافـي الخصايـل
كريم سبـلا مدتـه مالهـا حـدود=ياسيـدي سلمـان ذرب الفعـايـل
مثل المزون اللي لها برق ورعـود=تسقي ديارن عقبها السيـل سايـل
العدل والإحسان والطيـب والجـود=ميـزة حميـدة ياسمـو الفضايـل
النادر اللـي موقفـه دوم مشهـود=ابن الشيوخ اللي من عيـال وايـل
طورت نجد وصارت ازهار وورود=الكل يشهد مـن جميـع القبايـل
هذي الرياض اللي لها العز ممـدود=مادام حاكمهـا علـى العـز طايـل
ابن المليك اللي دفن في ثرى العود=العدل له ميـزان للظلـم زايـل
عبدالعزيز معرب اخوال وجدود=سلايـل ياطيبهـا مـن سـلايـل
لاثارت الهية علـى كـل مقـرود=أنتم هـل العليـا نهـار الهوايـل
حنـا لكـم ياسيـدي درع وجنـود=نقضي على الإرهاب وأهل الخمايل
وصلاة ربي عد ماهبـت النـود=على النبي واعداد برق المخايـل