[معلومات العضو وجد الكتابة]

حبيبة قلب معشوقك وشنهي اخر اخبارك!
سمعت انك تزوجتي وضاقت فيني الافاق

ورغم كل الألم جيتك أزف الجرح وابارك
ابارك لك على غيري ودمعي متعب الاحداق

دخيل العشق لا يحبك! ولا يقرب من اسوارك
اموت ان شاركك فيني واغار ان قال لك مشتاق

تراه ان حب يتمادى ويحلم يقطف ازهارك
وذاك اليوم في ذمة وعودك تسقط الأوراق

فديتك لا نده باسمك وجاك يناقش افكارك
عطيه السين لا ياخذ عليك وينثر الاشواق

أنا ما خنت لك عهدٍ عشان تحوشني نارك
أبي كلمة شرف منك تحفظ العهد والميثاق

رسمتيني عشق خالد في منقلتك وفرجارك
وكنتي مخلصه دايم ولا شفت بهواك فراق

كتبتيني سوالف حب تتبختر بها أشعارك
ولقيتك تحتوي همي الا من الزمن بي ضاق

غناتي كيف أعبر لك وانا تعزفني أوتارك
الا منّي بغيت اوصف عطاك يحدني الإخفاق

كبيره بكل مافيك وعظيمه لعنبو دارك
أحبك كثر ما اتعبني زواجك وانتشى الإرهاق

اذا ما عدت معشوقك نخيتك خلصي ثارك
مدامك شمس ما تشرق حياتي لا يجي الاشراق

ظميتك لين ما جفت عروق الحب فابيارك
امانه ردي للخافق هذاك الواهج البرّاق

واذا جيتك ابي اسئل وشنهي اخر اخبارك
يكون الرد " طلّقني " وجيتك نبضك المشتاق