اقتباس:
المشاركة الأصلية كتبت بواسطة نادر الناهشي
ايها الاخوة الاعزاء في منتدنا العزيز السلام عليكم ورحمة الله
هذه آخر الانتاج وتقبلوها كما هي
بسم الله الرحمن فاول شعري=والحمدلله في الخفا والقيل
يابحر شعري لاتزيد حمولي =وشلك براعي الذكر والتهليل
الله خلقني والصدق منطوقي=مااعرف كلام الزور والتظليل
البارحه جتني افكار واجد=من عالم التعديل والتهويل
وقت تغير وانقلب دولابه=امااني المجنون والاالجيل
حنا وداعين المعالي حنا=عدونا يموت قهر وويل
وقت المعارك ما نهوز اعدانا=ننصى الخطر كنه قناد الهيل
مانكسب الناقه وشبه الناقه=نفني المداين بالقنا والخيل
يشهد لنا الماضي ويشهد حاضر=والشعر ديوان العرب تعليل
عدونا يحسب احساب افعاله=والخبل والمعتوه خشمه ذيل
وان جاء الكرم حنا فطرنا نكرم=يوم الكرم ذ لحين قوة حيل
سعد الخوي لامن زهمنا عنده=انشيل حمله والرجال تشيل
وآخر كلامي باختصر موضوعي =فينا المعالي كلها كوكتيل
هذي مفاخرنا وكل شاهد=يمشي بها الساري صباح وليل
مانيب متعصب ولاني جاهل=حقايق مثل الجدي وسهيل
واليوم في الاسلام نهج ومله=دار حفظها محكم التنزيل
دارالموحدجعل قبره روضه=عله سحاب مردم بالسيل
دار حفظها الله وكل يدعي=يحفظ بلادي والنصرتهليل
في ظل حكام توالي ربي=الله يحفظهم من التبديل
بيبانهم ماسكرت للعالم=والهرج نختصره بلا تطويل
خيراتهم ماتنحصى باشعاري=واللي يبحك في الجحور يميل
|
اقتباس:
|
حنا وداعين المعالي حنا=عدونا يموت قهر وويل
|
عز الله كفو كفو
اقتباس:
|
مانكسب الناقه وشبه الناقه=نفني المداين بالقنا والخيل
|
كفو وليتك سلمت من الشطر الاول يالناهشي لأن البل ياطويل العمر ماكل بيقدر على كسبها ومن دونها تقطع قلوب الرياجيل قبل يتهقوونبها والبل كانت وسيلة العيش لأجدادنا في وقت الجهل وكم قبيلة افنت لها قبيلة بسبب البل يوم الضعيف يلتجي بالقوي يامال الشحم.
اقتباس:
|
وان جاء الكرم حنا فطرنا نكرم=يوم الكرم ذ لحين قوة حيل
|
سوالف الكرم والطيب فزتوبها وانت يال ناهش خاصة كما قال الشاعر
ياناشد عنا ترانا الوداعين .. كم ديرة خربت وحنا سببها
يفرح بنا غزو لفونا جويعين .. عقب النكوفة خاليات زهبها
آلاد ناهش بالمراجل كريمين ...كبيرهم غانم ذلوله قصبها
اقتباس:
|
سعد الخوي لامن زهمنا عنده=انشيل حمله والرجال تشيل
|
كفو وسالفة الشمري اكبر دليل يوم تعطل موتره فالحرب وقاموبه الوداعين و الصخيبري والشكري.
اقتباس:
|
عدونا يحسب احساب افعاله=والخبل والمعتوه خشمه ذيل
|
بيض الله وجهك
والسموحه على المداخلة الي من باب المحبه ودوام والدواسر كافة بعز وجمعا