[معلومات العضو عبدالله الحافر الغييثي]

هذه ابيات من قصيده للشاعر

/

دعيلج بن عويد المظالمه الغييثات

وكان ابن عويد جار لاحد العجمان وكان سامر عند قصيره ويوم خلصت السوالف راح لبيته ولكن شاف البروق على دياره ولاجاه نوم وشاف نار قصيره العجمي شابه فراح صوبه ويوم شافه العجمي ارتاع يحسبن في قصيره شي من صواديف الليالي ولما شافه ابن عويد قال هذه الابيات يطمن جاره انه مافيه شي

والله لولا ضيقة الصدر ياعبيد=ماجيك من بين العشاوين ساري
والموت مايذبح احد اجله بعيد=وان قصرت ماعاد سرت الاداري
هات الدلال وهات بيض المفاريد= ونجر الى حرك من العقل عاري
يازين ونيات الجهد في الاطاريد= الشيخ غاب وجا علينا مداري
ربعي عزاز الجار جوا مني بعيد=ذباحة راعي الجواد المثاري
هل سربة تارد على اهل البواريد=في معتلجهن يشبعن الضواري