[معلومات العضو شيهانه بكف صقار]

وشفيك يابعد كبد مغليك يابعد حيَه
علامك والجفا باديه عليك طواريـَه

تمنى وتلقاني شهد مصفى في الفيَه
ووادي دمي فاضت من حبك مجاريـَه

بتلقاني حضور شاعر متألق بأمسيَـه
واعجاب الجمهور حوله برقه وحنيــَه

واذا تامر على القلب ودقات محانيـَه
هاكه بدده شتته كسر عقاربه الارمانيَه

لك روضه فالحشا تقل ربوع سويسريَه
تجوَل يابعد خاطري وخاطرك انا اداريـَه

ولك سيول جده وهميل مزون عقربيـَه
اعشوشب شريان القلب وفاضت نواحيـَه

ياعم من حبي لك اخترعت الرومانسيــَه
وصاروا العشاشيق يقلدوني بدقه وتقنيــَه

حسبي على العشق لارحم اصلبيه ولا قبيليَه
ولا اعجميه ولا هنديه ولا عربيه ولا كرديـــَه

بسك انتبه وقف! علامك صاحبك منهيــَه
مرميني بصفحة النسيان واغبرت الطيــَه

لجلك تجرعت المر تقل بي سم حيــــَه
انازع واصارع الاهات ودمعي حارقن كيـَه

ياكم بأسبابك جرَح دمعي الخدود البهيَه
واشقيتها بالغبن عيوني الدعجا النديـــَه

كنت اقول سجلوني مات من العشق وراعيَه
وخبرو هلي الغبن والهم عجل بي المنيـَه

مير اموت لواحدن امور حياته مشغله وملهيـَه
اشغلته عن امحبه وشحت ماروت صحاريــَه

فمان الله ابرك والله يسامحك على السيـَه
واذا التقينا يوم ابردد لك منسيــه.. منسيــَه

وسوآآآآآلم

بوح/شيهانة الدواســــر