يافكري الطيب تراني من على الدنيا وعيت=ان البلا نفس(ن) تعوكس ماجنا مخلوقها
في حزة الضيقة تصيح بداخلك سكرات ميت=ولانفرج صدر(ن) تفتت من ظلامه شروقها
ويلي تحسب الناس تعطي نفسها لمن عطيت=صدقني انك رابح(ن) لمن سلمت حلوقها
بعض العرب تهوي خراب النفس وتهدم كل بيت=والسبب ان الحسد حاضر(ن) في سوقها
ولاتاخذ الدنيا عناد وتحسب انك قد قويت=الدنيا تافي حقنا لمن وفينا حقوقها
ولاتقول ان الزمن هو من سبايب ماشقيت=العيب في نفوس البشر لاشان مجرى عروقها
ولاتحسب ارفيق الحكي ينفعك لمنك بغيت=بعض العرب افعالها تعكس حكي منطوقها
ولاتحسب الساكت ضعيف عزوم كنك ماهقيت=ترى البلا بلي ستر فعله ودن عنوقها
والمرجله عندي طناخة راس تبني كل صيت=ومايخربها سوى الخبلان وايد مطفوقها
اليا حضرت عندي تراني من عليها قد رقيت=مثل الحرار اليا بغيت خرب(ن) تفك سبوقها
ولا الردي يتبع هوى نفسه ويجره كل ليت=مثل الحريم الي تجرجر من ورى معشوقها
والحظ يمرض مايموت اليا نطق عندي خذيت=براد كبد(ن) تستوي من حرها وحروقها
وماهوب بعيب اليا خطيت تقول اني قد خطيت=العيب لاعدت الخطا وصرت لابس طوقها
والدنيا هي مجرى نهر بداخل انفاسي رويت=تعطي حقوق الناس لمن عطينا حقوقها
وسلامتكم
اخوكم
محمد بن حسين الحضيري