هذه القصيدة هي للشاعر/دهيمان بن عبيد الهواملة
قالها وهو خارج الوطن عندما تذكر الديار وأهلها وكان معه رفيقه هادي في سفره هذا فقال هذه القصيدة
البارحة كـن قلبـي فـوق وقـادي =قلب المولع على جمر الغضـا كنّـه
واصبر واجامل ونار الوجد بفـوادي = وجدالوطن جعل غر السحب يسقنـه
سحب على نجد دار المجد ياهـادي = أرض الرجاجيل والتنزيـل والسنـه
هني من شافهـا ونااقصـد الـوادي = وادي الدواسر بني عمي ونـا منـه
هي والسليل بـلاد العـز وبـلادي = درع لنـا ضافـي مانغتنـي عـنـه
وان جيت الافلاج عشت بديرةاجدادي = مع ربعي اللي عـدو منـه بلامنـه
والخرج داري عمى لعيون حسـادي = بحمايـة الله سيـوف الهنـد يحمنـه
دونه بني عمي اللي ترشـد الغـادي= ويشـوف درب عيونـه مايشوفنـه
مثل الشريف الحجازي يوم جا عادي = داوو عيونـه دوا ماعـاد ينسـنـه
والا الدويش المسمى بالطغـى زادي = لاشك ربعي عثوبـه واخلفـو ظنـه
والريشة اللي عليها الاسـم وينـادي =فيها مقاديـر شيـخ مطيـر ساقنـه