السلام عليكم ورحمة الله وبركاته
هذه ابيات قلتها في مترك بن برجس المشاوية الدوسري
ولن توفي ابوبرجس حقه
وارجو ان تحوز على رضاكم
يامرحبا مليار من قلب تنقال=اخصها لراعي الوفا والحميه
يابرجس المنعور ياطيب الفال= ود الثنا وده لراعي العبيه
بوبرجس الشغموم خيال شلال = على العدا شرٍ ونارٍ لضيه
تنشر له البيضا ومضرب للمثال = راعي العلوم الوافيات الطريه
المرجلة عدٍ عميقٍ ولازال = ولاتارده غير العزوم القويه
شروا بوبرجس يارد بطيب الافعال=هو طيّب الوقفات وكفه نديه
دون الخوي والجار ماشح بريال = فداه الردي وفداه نفسٍ دنيه
عزيز نفس وللثقيلات شيّال=وقت الشدايد مايخلي خويه
هذاك مترك للمطاليق مدهال = له مجلسٍ مفتوح ونفسه رضيه
وختامها واعداد ماهل همال=صلو على المختار خير البريه