يالله المعبود يارب يامنشي الخيال=ياالهن جل شانه ولانرجي سواه
عادل الميلات حلال صعبات المحال=خالق السبع الاراضي وعرشه فوق ماه
اطلبك عفوك وجنتك والرزق الحلال=واستعيذك من ابليس الرجيم ومن بلاه
وبعدها ياهجس الفكر بنخاك وتعال=ببدع ابيوت القصيده ولحنها غناه
في امدوح اهل الشهامه تنقيت الجزال=لاد زايد صلب جدي على العايل عماه
ورعهم لامن برك للحمل للحمل شال=كسبن كل المراجل وتوه في صباه
علمه جده على الطيب وعلوم الرجال=يوم ولد الاش جده على الهين رباه
ظربهم في هامت الراس ولا في السبال=كم شجاعن من يديهم تعذره الحياه
بلكريزيات والهند مفتوق السلال=لابتي تارد على الموت ميراد الظماه
بمدح اربوعي هل الطيب لاجالي مجال=والسموحه كان قولي قصر عن مابغاه