[معلومات العضو ناجي الشكري]

السلام عليكم ورحمة الله وبركاتة

حبيت اقدم لكم هالقصيدة :

باسمك الوالي بديت القاف والمعنـى جزيـل =يالله انك ترشد الشاعر على قـول الجـزال
لا تنقاهـا وغذاهـا بمضـمـون ٍ جلـيـل= يفهمه من يعشق الجـزلات ويـرود الجـلال
القوافـي كنهـا الامطـار والـوادي يسيـل= ولعنبو قاف ٍ ليـا جـاوا النشمـا مـا يقـال
مرحبا ً يا مرحبا ً يا مرحبـا ً عـد المخيـل= وعد ما سيل من الشعبين فيّـض ثـم سـال
عد مـا دار النهـار وعـد مـا يقفـاه ليـل= وعد من ياطا الحصى واعداد ذرات الرمـال
وعد ما تنحر بني دوسـر مجاهيـم ٍ وحيـل= وعد ما رحـب كريـم ٍ بالمطايـا والرجـال
وعد ما لاح القمر واعداد مـا يزبـن دخيـل =وعد ما توسم عصاه وعد ما تصفـي الـدلال
مرحبا ً ترحيبة الي ضاع فـي يـوم طويـل= بين ضلع وبين رجم وبين جوع وضيق حال
ويوم شاف الموت والحسرات والخاطر عليـل= اعترض له نشمي من جاه ما جـاه الخمـال
قال يا حي الحيـاة ومرحبـا ً بـك يالدليـل =مرحبا ً بك عد ما يطرى وما يطـري ببـال
ذاك ترحيبـه كمـا ترحيبتـي فيكـم بليـل =ليلـة فالعمـر مختلفـه ولا هـي كالـيـال
كيف لا .. وانتوا عصابة راسي الي ما يميل =لو يميل الحظ والدنيـا وكـل الكـون مـال
مرحبا ً حي الضيوف وحي ربعـي والنزيـل =وحي من جا من جنوب وحي من جا من شمال
في بلاد ٍ تمـن الجانـي ولا تذخـر جميـل=واسمها رمز الكرم والجود وشهـودي عـدال
تمرة الي مجدها بالسيف والخيـل الصهيـل=لا اعتلاه الي عريب الساس من جد ٍ وخـال
وجمعنا جمع الدواسر يشدي السيـف السليـل=يكسر العظم الجليل ويقصر الروس الطـوال
بحر ٍ امواجه تلاطـم مـن يلاطمهـا يزيـل=وان فزع للموج موج وموج تاليـه الـزوال
يشهد جريس اليماني يوم طال بـه الطويـل=واصطفق بين الديار ولا لقـا للجـال جـال
لين حـل بديـرة ٍ فيهـا يحـال المستحيـل=ديرة ٍ روس الدواسر وسطهـا مثـل الجبـال
عاشقيـن ٍ للمنايـا لا ولا فيـهـم هـزيـل=زبنوه من الشريـف وشالـوا حمـول ثقـال
والتقى الجمعين والجمعيـن مـا فيهـم ذليـل=واصطفت للعزوة الي شالت الي مـا يشـال
هذي علـوم الدواسـر جاكـم العلـم القليـل=ولو بفصلها ثلاث اعوام ما اوفيـت المقـال
منهم الصاحب يسر ومنهـم العـادي عليـل=وصفحة التاريخ مـا خلـوا لكاتبهـا مجـال
والسلـوم سلومهـم كنهـا قـراح ٍ سلسبيـل=جارهم توسم عصاه ويرفع حجاجـه عـدال
يطرق بلاد الدواسر مـا يهـاب الا الجليـل=لا يضام ولا يضيـم ولا يعيـل ولا يعـال
ترثة كليب ٍ أعـز العـرب والـراس الثقيـل=وترثة مهلهل حصان الحـرب وقـاد القتـال
وعمرو بن كلثوم فارسها وشاعرها الاصيـل=مرخي روس الملوك وطايل ٍ مـا لا يطـال
وترثة البدران عامر حامي الغـرس الظليـل=وترثة العرعير مروي الرمح وطوال السـلال
والحبيبي ماجد الي كـل مجـد ٍ لـه عميـل=وغيرهم صبيان عـز ٍ مالعمـام ومالخـوال

وسلامتكم لشاعر دوسري لا اعرف اسمه