دغش البطي
صح الله لسانك يا ذيبان على الجزلة و من عوايدك الجزال
عسى السيل يسقي دار الاجواد ْ ياشخبوط=عساهـا الحيـا والله يعـمّـر مبانيـهـا
ديارٍ بها التوحيد فـي حكمهـا مربـوط=وحكـم الشريعـة منهـجٍ مـن مباديهـا
اللهم آمين وجزاك الله خير على الدعوه الطيّبة
عساها بعد دار نشـتْ بالزنـى ( ........... )=وجميع المعاصي والبـلا ينتشـر فيهـا
ديارٍ تجاهـر بالبـلا والحيـا محطـوط=وأهلها عصـاةٍ دندنـت فـي معاصيهـا
رجاجيلهـم تستـروْ والبنـات إزلــوط=عليهم غضب ربي إليـا حـان داعيهـا
الله المستعان ..
و جزاءهم عند رب العالمين
فلولا قوانيـن العمـل مرتبـط بشـروط=حـرامٍ عليّـه ماأنتظـر لحظـةٍ فيـهـا
ولو أدفعولي من الذهب نوط فوق النوط=ربيعي وعيدي شـوف عينـي مشاهيهـا
ربيعي وعيدي والنشامـى علـيْ إقلـوط=وكل أبلجٍ نفسه علـى الطيـب غاذيهـا
على دلة صفراء مع الطيب والمصفـوط=وسوالف إرجالٍ تعجبـك يـوم توحيهـا
فسقى الله نهار لانزلنا المطـار إهبـوط=مطـار الريـاض الله يحفظـه وأهاليهـا
على شان يبرى خاطرٍ من العنى مضغوط=وترتـاح عيـنٍ تشتكـي بٌعْـدْ غاليـهـا
هذي موجز أخباري ونصيتهـا شخبـوط=عسى الله يحفظ المملكة هـي وأهاليهـا
الله يفرق بينك وبينهم وعسى الحيا يسقي ديار الجزيرة
ويسقي دار انت ساكنها ..
و اللي يشرفني هو سماعي للقصيدة منك شخصياً قبل كتابتها في المنتدى ..
ابو محمد من اكبر المكاسب التي جنيتها من المنتدى هو معرفتي بك وبالرجال شرواك
فتقبل مني خالص تحياتي وتقديري ,,,
اخوك في الله
محمد الغريري