[معلومات العضو لابتي الدواسر]

اقدم لكم قصيده لشاعر محمد ابن قحيفان الخضران والقصيده طويله وفيها نقص اتمنى ان تحوز على رضاكم واعذرونا على التقصير يقول الشاعر:

حنا سلايل زايدٍ طير حاران =والعز لـ اللي زايدٍ منسبله
دواسرٍ في ساحة الهوش خبران=يا ويل من حنا نصير قبلن له

خيالة الحرشا ايلا ثار دخان=لا حال من دون المجاهيم سله
نسهج صفوف القوم مناب ذلان = لامن دخل بعض الرجاجيل ذله
من كان في (حسن) الي وقتنا الآن= يوصا بها المولود من ولادٍ له
تفرح بنا لا ضيع الخلج حيران =وان ضيع الخلفة ولادها ندله
سودنٍ وسيمتها شمطري وكيزان =يا كبر حظ اللي تجي ثروتله
من دونها نروي شبا كل عطشان =لا شرب حد السيف نرويه كله
كم حرةٍ لا ثارت الحرب بركان=من كف راعيها رسنها نتله
وكم مهرةٍ فيها العوض سرج ووعنان =وخيالها من عند يدها نتله
الفارس اللي له مهابه وله شان =لا شاف وقع سيوفنا جاه خله
نقطف ثمر لنفس على حد الامتان=وما صادنا من رمي السهم نحتمله
يا نسل من سمي على السيف شامان=سيفٍ يسله سمي شذرتله
وحنا لنا في خالي الربع مسكان=ذيدانا رعي المهامل تدله
نتيع هوا عربٍ مجاهيم وزيان=يبرا بها المرضان من كل عله
وتيرا لها عقب المظاهير شيصان=كلٍ معه شاص جديدٍ مضله
وتبرا لها بالماء صناعات الالمان =كلٍ يباري وايته مشربله
العايدي مشحون والسقس مليان=والحوض جنب الروض ومشارعله
ترعا الزهر في عثعث العرق لا زان=والحقوا ترعا فيه رمثٍ وخله
ترعا من العارض الى حد نجران =ومن حد نجرانٍ الي مشرقله
وترعا من المشرق الي خد عمان=وفي الصيف كلٍ مدهله مجنبٍ له
ومن أولٍ ننزل على العد قطان =تسعين ليلٍ ما نفاخت جبله
لا سايق يطرا ولا سوق نسوان =والقيض شمسه حرها ما نمله
ولا الم شتان العرب عقب مقطان =وحل الفراق ودع الخل خله
وهبت هيوبٍ قرقت شمل خلان=وسهيل خلاه الدبش وجهتله
وايلا انتزح من داية العد فرقان =وكلٍ نزل في منزلٍ جايزله
عينت في المقرن فراقين خضران =في مرتعٍ راع الغنم ما وصله
(عينت في الرمله فراقين فرجان =في مرتعٍ راع الغنم ما وصله )
دارٍ رعا فيها خضير ابن شامان=واجزايها لين انتها القيض كله
ترعا بها الحرشا معا جول غزلان=وشربه وزاده باللبن فاطرٍ له
يا ما رعا وسميةٍ بارض عدوان =واللي معه من لابته محزمله
وياما صفق من دونها جمع فرسان =بشلفا ورمح وسيف فوق فرسله
كان الحدث يحتاجله شاهد اعيان =فالشيخ يوجد عندنا شاهدٍ له
له عندنا من سيرته شبه ديوان =نقلٍ عن اللي عاصرو سيرتله
والحمدلله وضعنا تو ما زان =في حكم اخو نوره غدا الوضع فله
علمٍ وخيرٍ فايضنٍ وامن وامان =والشي هذا غيرنا ما حصله
وفي عهد ابو متعب لنا ظل وكنان = بدرٍ بدا فوق النجوم المطله
يارد بنا حوض المنايا إلى شان = ونرخص جميع ارواحنا فدوتله
هذا وانا من حربه العز خضران =ربعٍ لنا فعل الشجاعه جبله
عذروبنا لمقرد الناس مزبان =ومن ثقل حمله لابتي مزبنله

وسلامتكم اعذرونا على التقصير او الاخطاء الاملائيه اتمنى ان اكون جبت شي جديد

.