ياعديل الروح ياشبه الهنوف@ماتشوف الحال لاحقها كلف
اتوجد وجد مقطوع الكفوف@في نهارن صايح الغاره هتف
كلها لعيون كاملت الوصوف@من خذا قلبي وغيره ماعرف
حسنها تعجز تصطره الحروف@ويش بذكر ويش بترك من وصف
رمشها عسكر على الجبهه وقوف@والشعر شلال من فوق الكتف
والثغر خاتم يده كنك تشوف@ولعيون السود ماتخطي هدف
والجبين اتشوف به برق القنوف@والنهود اصغار مع نابي ردف
والخشم حده مثل حد السيوف@والجسم منحوت رسمه محترف
لاظهر لشمس غطاها الكسوف@والقمر لامن تجلاله خسف
لالالاتعذر ياحبيبي بالظروف@ولاتحملني على وصلك كلف
ليه تقسا خابرن قلبك عطوف@ويش ذنب القلب ويش الي اقترف
غير حبك وانت ماترظى ترووف@وين ذاك الحب وايام الشغف
ياعسا من لامني في حب نوف@يلحقه من صد مظنونه تلف
شبل زايد ///// شاعر مبدع وقصائدك الغزليه التي قرأتها كلها جميله
ولك أسلوب خاص فهنيئا ً لك بهذه الشاعريه