بني عمي بنو لطيب صرح وللكرم ميراد=وخذوا في المرجله والجود تاج بروس الامجادي
اسود من الدواسر صيتهم يرقى على الاشهاد=وأنا لاذكر ابن عمي بطيب ازود لازادي
دواسر لابتآ سطر لها التاريخ با لامجاد=لنا في قمة التاريخ منزال ولنا اشدادي
ولنا فعلنآ ينومس ربعنا ويروع الحساد=على العدوان سم ولرفاقه بن وقنادي
لنا في المعتلى قصة بطوله خاضها الاجداد =حمينى العاني جانا عقب ماحداه الحادي
ابن مطرف لقا الجنه عقب نارآ لها وقاد=تعذرتة قبايل نجد وردنا الموت ميرادي
وجانا بساقته لشراف معميهم كبر وعناد=ودوينا عماهم وفي القصاص المعتدي بادي
ملكنا الابل وحميناالغرس يوم المرهفات حداد=ملكنا من شمال خريص وجنبه وراى الوادي
وفي عهدالملك عبدالعزيز توحدت لبلاد =وبايعنا على التوحيد ورفعنا راية بلادي
الأخ ناجي الشكري
بيض الله وجهك ووجه ذيب السرايا
نقل مميز كما هي العاده
لاشلت يمناك ياذيبان على هذه الرائعه
وصح الله لسان الشاعر ذيب السرايا مليار × مليار
وعزالله ماقصر لأن الشاعر يتكلم بإسم بني عمه
تقبل الود والتقدير وإسمحلي على التنسيق
محب الجميع : دغش بن بطي