[انا البارحه سهران ما غمضت لي عين
................................وقلب العنى زادت بوسطه لواهيبه
مغير اتجلد صاحي والعرب ممسين
.................................سبب عبرة في الصدر تقبل وتقفيبه
افكر واهوجس في هوا داعج العينين
.................................حبيب لبيب دوم عقلي يهذريبه
نظيف شريف مامشى في دروب الشين
.................................حماه الذي صانه وزين تعاجيبه
ترى حب خلي صاطي بالحشا مكين
....................................ترى اللي ملكني فيه علمه وتهذيبه
وبشكي على اللي فاهم بالهوا من حين
...................................وله في مجال الشعر مدخل وتجريبه
على بو محمد يوم هو ذرب من ذربين
.....................................ابنخاه يومه من رجال لهم هيبه
ابين لبو محمد خطا صاحبي تبيين
....................................وليفي رحل واقفى ونا جتني مصيبه
فياليت ابو المجمول من ربعنا الادنين
....................................على شان ماعني تطول به الغيبه{بمد الواو}
رفعت الشكيه للخزامى عساها تقين
....................................وللشاعر المشهور نرسل مكاتيبه
وانا اشهد شهادة حق راع الهوا مسكين
...................................وبحر الهوا من دشه الموج يوميبه
وانا ياجماعه صرت محتار بين امرين
...................................ما كان قلتوا لي من الشور راضيبه }.