اقتباس:
المشاركة الأصلية كتبت بواسطة ا ل ن د ا و ي
لا هنت أخوي عبدالرحمن ولافظ فوك أيها الفتى
موضوع رائع وجميل الله يكفينا وياك شر الحسد
وذكرتني بيت أسمعه كثيرا ولا أعرف صاحبه ,,
الذم مايهفي للاجواد ميزان
والمدح مايرفع ردي المشاحي
تقبل مروري ودمت سالما ..
نتشرف بمرورك الكريم ولا هنت وبيض الله وجهك ..
وبخصوص البيت اللي ماعرفت من قائلة فهي قصيدة مشهورة للشيخ
راكان بن حثلين قالها أثناء حرب العجمان مع مطير والتي تسمى بمعركة الصليب وهذي القصيدة يا الغالي
ياراكب من عندنـا فـوق شقـران
سـواج مـواج بعيـد المراحـي
ينشر من القرعا علـى قـد الاذان
والعصر تشرف له خشوم وضاحي
كز القعود للشيخ من نسل وطبـان
زيزوم علـوى مبعديـن المناحـي
الـذم مايهفـي للأجـواد ميـزان
والمدح ما يرفـع ردي المشاحـي
بشر ليا جيته بكبش مـن الضـان
ودلال فيهن اشقـر البـن فاحـي
يمشي وينشد عن منـازل فنيسـان
يبغـي بـداري قامـه وانبطاحـي
الدار حاميه الولي عالـي الشـان
من فضل ربي سدنـا مـا يباحـي
الـدار نحماهـا بخيـل وفرسـان
يا اهل القنازع دايثيـن الملاحـي
وجدي عليك امسيت يا نسل وطبان
تصبح عليك من الهواشم صباحـي
مخيلة تاتيك من صـوب نجـران
مشروبهـا سـم ذبـوح ذحاحـي
اول مطرها رشة الخيـل باكـوان
ترمي العشا للطير رفض الجناحي
خليت عشب الصلب يومي بالاردان
تلعب بريضانه هبـوب الرياحـي
والعذر منك يالصبي يا ابن درجان
حنا فهقنا الكون نبغـي الصباحـي
ياما حدينا عنـد حلـوات الالبـان
وياما كسرنا فوقها مـن الرماحـي
لامركبنا فوق طوعـات الارسـان
عدونا يبطي وهو مـا استراحـي
ولكم أطيب التحية والتقدير ...
محبكم
عبدالرحمن بن عويس