:يادار وين اللي احبه وانا وين=في غربتي والشوق عذب فؤادي
ياليتني طير واملك جناحين=باطير للغالي وبوصل بلادي
مسكين قلبي هزه الشوق مسكين=والجفن من فرقاه فارق رقادي
من يوم ودعته وانا ساهر العين=ماطاب لي نومي ولا طعم زادي
مشتاق له مشتاق له كامل الزين=واكيد هو مثلي من الشوق غادي
يارب ياجامع قلوب المحبين=اسألك تجمعني بغاية مرادي
كل يوم قلبي عايش بين نارين=نار الجروح ونار فرقى ودادي
مدري متى برتاح من غربة البين=وارجع لمحبوبي واعود بلادي
الشاعر :حمد بن سهيل الكتبي |