قصيده في منقية مرضي بن دربي الغييثات
تعرض على قناة الصحراء والاماكن بصوت منشدنا المبدع مفرج بن جنبان
على ألعوايد يا هل البل كل عام=تجديد جايزة الملك باوقاتها
قرب التحدي عند جايزة الأمام=والفوز والناموس ذي حزاتها
ألفوز للوضحا مطيرة المنام=وضحا على كبد العدو عرقاتها
وضحا سناد الفرع مفهوقة سنام=على ألمراكز لوله شرهاتها
وضحا مع الهوبال يدخلها غشام=تشوش مع طق اللبيد أماتها
وضح لها بالأوله شف ومرام=ماتنثني يوم الزحم هوماتها
وضح سوات الهيض لا انفك الظلام=توصيفها في لمها وأفخاتها
وضح إلى من جات ميدان الزحام=تفهق هل العادات من عاداتها
وضح لبن دربي مهاويهن جسام=مارددت بالدار عن مشهاتها
مرضي سعى في عزها لين أستقام=يقعد ميال فحولها شيكاتها
في شفها يرعابها شرق وشام =تتبع مشاهي نيتها نياتها
مع لابة وقفاتها تجلا الملام=عند التوالي تنعرف رداتها
ألعزوه أللي من زبنها مايضام=على النقى تجلا العمس وقفاتها
دواسر ترد الوغى ورد الحيام=وتعزها بين العرب شيماتها
حنا هل البل من قبل وقت الكمام=قبل تزوود بالعلوم رواتها
من دونها باللي يشظن ألعظام=نقصر هل الهقوات من هقواتها
وأليوم في ظل الحكومه والنظام=لا صوتوا بأم الجوايز جاتها
وتقلدت من عند أبو فيصل وسام=شعار للدوله ومن قاداتها
نهض لها مشعل وقام الحظ قام=قامت ترفرف بالفخر راياتها