شـبـاب لا والله شـبـاب وشيـاطـيـن =نبـغـى نـسـوي بالـزمـن ايّ حـاجـه
لامـن مشيـنـا ماسألـنـا عـلـى ويــن =كــلٍ عـلـى كيـفـه يـمـشـي مـزاجــه
ضحكاتـنـا فيـهـا خـضـار البساتـيـن =ماهمـنـا طــول الـزمــان وعـجـاجـه
اطهر من انفوس الفقارى المساكين =ومانغبـط الحاكـم علـى لـبـس تـاجـه
فينـا مـن اللـي يعشـقـون المزايـيـن =مـره لـبـس غـتـره ومــره خـواجـه
وفينـا مـن اللـي يطـردون الملاييـن =وماطـب وسـط السـوق والاّ حراجـه
وفينـا الرّجـال الصادقيـن المصلـيـن =مادربـهـم درب الــردى والـعـواجـه
قـدام نمـشـي مـابـه ايـسـار ويمـيـن =مهمـا تـفـرقـنـا لـــــزوم انـتــواجــه
فـرسـان والـدنـيـا تحـتـنـا مـيـاديـن =نشـرب قـراح المـا ونتـرك همـاجـه
ياربعـي اللـي فرقتـنـا ( الـدواويـن) =الـحــر يـفـهـم والـدجـاجـه دجـاجــه
العزيز الغالي قرم القروم
سلمت يمناك ياذيبان على مانقلت لنا
فهذه القصيده تدل على حسن ذوقك الرفيع
وصح الله لسان الشاعر الشاب المبدع ناصر بن دهيم
وهي ليست بغريبةٍ على ناصر هذه الجزاله الشعريه
لاهنت وبيض الله وجهك ولاتحرمنا من مشاركاتك المميزة
عاطر التحايا القلبية
من محب الجميع : دغش البطي