السلام عليكم ورحمة الله وبركاته,,
امسّي بالخير على الموجودين عآمه والمصممين خآصه 
يعطيكم ألف عافيه على هالجهود المبذوله للتصماميم.
عندي ابيات لي ابغاكم تحطونها في تصماميم حلوه على ذوقكم 
نبدا مع هالابيات اللي ياحبذا لو تكون الصوره في البر:
يـا حــلا يــا مــا حــلا يـامـا حــلاه .. شوفـة الريضـان مـع جـو ٍ علـيـل
تنـزل امطـاره وفــي كــل اتـجـاه .. والربـع حولـك عـلـى بــنٍ وهـيـل
والنفـل جنـب الخزامـى قـد عـلاه .. والاراضي المخضره بعد المسيـل
اشعـل الليـلـه سـمـر والـنـار اداه .. ننتظـر نجـمـة جــدي ولاّ سهـيـل
مع صحـاب ٍ قدرهـم عالـي مـداه .. خـوة ٍ فـي الليـن والوقـت الذليـل
معهـم الصاحـب تخلّـى عـن بـلاه .. يـتـرك همـومـه ولاكــداره يـزيــل
مــع سـوالـيـف ٍ مـصـادرهـا رواه .. هرجنـا نــدراه عــن قـالـه وقـيـل
بـعـدهــا اذّن مـــــأذّن لـلــصــلاه .. حـان وقـت ٍ فـي التعـبـد للجلـيـل
ثـم بـان النـور فـي اعلـى سمـاه .. ياصبـاح الخـيـر يالصـبـح الجمـيـل
مايهـون السامعـي والـلـي قــراه .. ياعسى وصفي وصلكم من قليل
وتصميم آخر للابيات هذي :
كـــان بـالـدنـيـا حـبـايــب .. فانـت مـا غيـرك حبيبـي
لـيـه بــدرك صــار غـايـب .. أحسـب إنـه مــا يغيـبـي
لـكــن الـدنـيـا عـجـايــب .. ويش أسوّي في نصيبي
صـار ظنـي فـيـك خـايـب .. يـا تــرى منـهـو طليـبـي
صاحبـي ويـش السبايـب .. ما شفع لي معك طيبي
عـن هـوا شـرواك تـايـب .. غــب وطــوّل بالمغيـبـي
قـربـك إيـجـرّ المـصـايـب .. عنّي إبعد وش تبـي بـي
واخيرا الابيات هذه ( مدح في قبيلة الدواسر) :
ياسائلي راجع سؤالك فقـد كـان .. عيباً عليك الجهل فيهـم ونقصـان
إن كنت لم تسمع بجود ٍ وافعـال .. فيهم تجد كل المبادئ والاحسان
من فعلهم ترهـب نفـوسٌ ثقيلـه .. افعالهـم يشهـد لهـا اُنـسٌ وجـان
فقيرهـم أكـسـوه اغـنـى الثيـابـا .. ( دواسرٌ ) نحو الطويلات خطلان
اسأل جميع الناس واسأل علينـا .. رجـالـنـا تـسـعـد بلـقـيـاهـم الان
وانتم لكم جبلاً من الطيب مـازال .. وطيبكم مشهود في كُل إنسـان
لا فـرق بيـن الـنـاس ألاّ بتـقـوى .. وكل شيئاً ان بقى حينهـا فـان !!
ويعطيكم ألف ألف عافيه , وشاكر ومقدر لكم مقدما