السلام عليكم ورحمة الله وبركاته
كيف حالكم جميعا عساكم بخير
عندي فكره وهي ابيات مختاره من قصائد شعراء المنتدى الكرام
هذه فكره مني للتشجيع الشعراء و طريقه لحفظ ابياتهم الجزله
الابيات المختاره
زين السوالف والجميـع اقعـودي = ويا شينهـا وان عـوّدت للجِـدّي
ان الفتى من قال : فعل اعضودي = ليس الفتى من قال : سوّى جَـدّي
الشاعر/ تابط خيرا
راس ياللـي تركـز شياطينـه = اقضب ارضك وخل الوضع هادي
حالف ٍ في هوى النفس لاهينـه = موتي اهون علي مـن تنقـادي
الشاعر/ الحر
كسبت من دنياي بعض التجاريب = وأخذيت من الأيام درس وعبره
توي صغير وكاسيٍ راسي الشيب = من جور وقتٍ شفت حلوه وغدره
الشاعر/دغش البطي
افتخر في رفقة زحول الرجـال = وابتعد عن رفقة اخطاة الدفـوش
كل خبلٍ مايعـرف الموجبـات = هيذري لسان ويكـت الفـروش
الشاعر/مسفر الكبيري
حبيبـي بدونـك شعرنـا فاقـد معنـاه = غلاكم سبب معنـى القصيـد وقوافيهـا
حبيبـي قسـم بالله ماغيركـم نهـواه = ولا غيرك اللي لأجله الـروح نصخيهـا
الشاعر/ ابن بطحيه الودعاني
أترجم حروف من ذهب واحكمه باحكام = وعلى الطيب لآهل الطيب بالطيب قدمته
وعلى المنتدى واهله عموم بدون اقسام = وعليهم سلام الطيب بالطيـب قسمتـه
الشاعر/ ابن هديهد
زمانٍ غدا فيه البطل يارجـال اهشـام = على منبر الإعلام.. ملعون مـن قالـه
خمامٍ على صدر الجريدة يـزف اخمـام = تنومس بفعله.. فـال ربـي ولا فالـه
الشاعر/نايف ابن مسرع
بنخاك ياقاف(ن) على الصوت دنا = انشهد ان للشعر وقت(ن) يزينـي
مانيب شاعر كـل وقتـه يونـا = بس اتهيض من علوم(ن) تجينـي
الشاعر/ابن وتيد
مابي ورا مدح المناعير فكسار = ولا امات خمسً تنكتب في رصيدي
لدتني الدنيا بلا سابق انذار = وامشي لها واشوفها تستحيدي
الشاعر/عبدالله الصخيبري
من وطاه الوقت واحدث فيه رجه = لايلوم المبتلـي لاشـق جيبـه
كل ماقلت الزمن يركـد معجـه = بان قبرن ماعلى راسه نصيبـه
الشاعر/وقيان الصخابره
أبنا الكرام ايقدرون ابنا الكرام = وابنا الكرام ايراوزون النايفـه
وابن الحرام ايدوراعلوم الحرام = ودك ايداس وتلعـن طوايفـه
الشاعر/سعد ال بريك
هذه الابيات من اختياري وعسا ان تنول اعجابكم وسامحونا على القصور
حققوق الطبع محفوظه لا بن وتيد
وهذه الفكره سوف تستمر اذا اعجبتكم من فتره الى اخرى
ولكم جزيل الشكر