[معلومات العضو عبدالرحمن الجبابرة]

المشاركة الأصلية كتبت بواسطة شافي بن راشد النتيفات

فكري تغيّر وقلبي زايدٍ همه = ودموع عيني على الخدين هماله
سبة نهار الخميس العصر يايمه = يومٍ علي اثقل من طويق وجباله
دقيتنا ابغى اتطمن جيت بمطمه = حصّلت علمٍ يهز القلب زلزاله
لابوك يالهاتف الجوال من زمه = يغيّر الحال من دقه الى حاله
ردت علي سسترٍ ماهيب مهتمه = قالت ترا ابوك مات وميّل ظلاله
ساعة وصلت ولقيت الناس ملتمه = ضاقت علي الوسيعة واتحراله
وقّفت محتار مدري وينها اليمه = جوني يعزون كلاً يدعي لحاله
قلت ابعدو عني وخلوني اظمه = لو لحظة تشوف عيني عينه قباله
تكفون خلوني اقرب منه واشمه = وودعه قبل عني تقفي رحاله
قفوبه وقمتنا ادعي كاشف الغمه = الهنا اللي علينا ما احصي افضاله
واقول يارب حرم عظمه ودمه = من لاهب النار واقبل صالح اعماله
واجعل مامره طهور ومانقص تمه = واسالك يارب جعل الخلد منزاله
مرحوم يامبعد الهقوات والهمه = مرحوم ياللي علوم الطيب تثناله
مرحوم ياطيب الاخلاق والذمه = يامغني نفسه ويامرخص رياله
ماهوب بين الرفاقه ينقل النمه = يدفع من اجل التوحد روحه وماله
الفضل للهِ ما اذكر واحد يذمه = يالله يارب جعل الخلد منزاله

شاعرنا القدير , شافي بن راشد النتيفات عظم الله أجركم
رحم الله والدكم
وأسكنه فسيح جناته وجميع أموات المسلمين
صح لسانك وسلم بيانك
وبيض الله وجهك
وبوحك لنا بوجدانياتك ومشاعرك دليل نبل أخلاقك