قصيدة للشاعر الكبير / ابراهيم بن عبدالرحمن بن ذيب بن عريمة
في عمه الشيخ / مبارك بن سعد بن عبدالله بن عريمة
بمناسبة حفل زواج ابنائه
وقد اتصف بالكرم والشجاعه والاخلاق الرفيعه
يالله اللي تعلم الغيب يالرب الغفور = اشكرك يارب حيثك تزيد الشاكرين
اشكرك في جمع ربعي وهم عندي حضور = سعد عيني كل ماشفت ربعي حاضرين
مرحبا باللي حضر والذي غاب معذور = من حضر من لادناصر كفى اللي غايبين
وحفلنا بوجودكم زاد فيه النور نور = عند ابوشباب ريف الخوي والهاشلين
عمي اللي بالمواجيب والطيب مخبور = رافع روس القرايب عسى عمره سنين
عمي اللي طيب ذكره مثل عود البخور = نفتخربك عند الاجناب ياذرب اليمين
الثلاثه عرسهم حفل تاليه السرور= ياسلام الله عليهم وداموا سالمين
عايض وخالد وناصر غشاكم كل نور = وجعل رب البيت يعمي عيون الحاسدين