كلنٍ يقول ان البكى فيه راحه
و أنا بكيت اليوم لعلي ارتاح
بكيت من قلبٍ تزايد جراحه
بكيت بكي اللي بكى يوم اﻷفراح
حتى رفع دمعي لعيني سﻼحه
و أنا احسب إن الدمع لعيوني سلاح
في ليلي اللي ما ظهر لي صباحه
و همومي اللي عيّت اليوم تنزاح
عمري محطه للعنا و استراحه
دنياي عتمه كلها بعيني اشباح
كني غريقٍ ما يجيد السباحه
يصرخ و ﻻ حوله من الناس سباح
يشوف موته ما يفيده صياحه
في غبـّةٍ تلعب بها الريح لى طاح