يا أبو فهد
***
يا أبو فهد قفّوا هل الطيب عجلين
واهل الردى جتنا طوالٍ خطاها
من فوق قبّ الخيل راحوا ميامين
وظهورها صارت لـ منهوعلاها
دنيا عجيبه ما تحشم الكريمين
وتهدي لـ غلمان الثّرى من ثراها
لو خيروني بين مُرّ الأمرين
ما اشوف غير الصبرعندي دواها
ياليت مانفقد من الناس غالين
وياليت ماتبكي اعيونٍ غلاها
لاصار مالك بالجفا مدّة يدين
احبس مراويح الرجا في سماها
ماينقسم محصول واحد علي اثنين
ولا تثمر اغصونٍ ليا شحّ ماها
ممدوح من خاواك بالعسر واللين
اللي ليا رجلك , هوت هو ثناها
هذاك دقّه وشم بين الحجاجين
بصمة وفا يضوي جبينك سناها
ياصاحبي ردّ الخبر للفطينين
ترا المراجل حافظه من قراها
ولا الرخوم تموت لو بالملايين
جابت لها تاريخ يحيي نباها
وإن كانها شانت ولا عقّبت زين
عــفنا المكاسب ماطردنا وراها
عز الله إنا نعرف الزين والشين
لو إن دنيانا عـــطتنا قفاها
*
شعر :
سامي بن محمد الـأحمد السديري