بسم الله الرحمن الرحيم
السلام عليكم ورحمة الله وبركاته
هذي قصيدة / مصيبيح بن متعب بن قويد
تعتبر هذي القصيدة غزلية نوع ما رغبنا مشاركتكم بها وهذا الون من الشعر غير مرغوب من فئة من المجتمع نامل الا تنقص من قيمة وجمالية القصيدة .
يا أهل البلاد اللي تحب المسايير = با الله بنشدكم يمال السلامه
باالله شفتو زول ظبي الاغادير = مرباه في المغرب يحب الزعامه
ظبين على اول مزته توه اصغير = ظبين عليه من الحلى والفخامه
لونه يحالي لون ظبي الغنادير = اللي ربت في نجد يابو سلامه
مير الحياء بيردنا يامقادير = وشلون بالغيله ونعرف كلامه
وشلون ببديله بزين التعابير= واخذ معه جوله ولو هي ...
صدفه بلا ميعاد في حزت عصير = متخالفن وياه دون العدامه
من أولن أشوف من نوعه كثير = وغض من باب السحاء والملامه
سلمن تبعنا جرته يامناعير = عيبن على الرجال ياطا الكرامه
محدن يحب يسحل العين ويغير = كل يوم له صيده ولو هي حمامه
واليوم وضعي غير حتي البلد غير = إسلوم اهلها تختلف ياسلامه
واليوم صيدي من ظبين ليا ذير = ماهوب عجلن ياعرب في مقامه
عاده علي أول طلعته ما بعد دير = يجفل على ظول العرب والجهامه
يسقيك يادارن رباها وهو صغير = مفلاه ماطبه سمي النعامه
مفلاه ماطبه قنيص وصقاقير = عاده وثن في مشيته واستقامه
قلت أتجرا وألزمه لزمة الطير = وأخذ معه فالجو رحلة شهامه
أنجاز لي قلت الذهب والدنانير = كلها لجل عيناك ماهي ندامه
اللي تبي باوفيه لو هي مخاسير = ما راح عندك مكسبن لي وهامه
وإن اتفقنا قلت عجل عسى خير = أخير من ممشي العطب الاستقامه
أخاف من بكره وبعده وش يصير = أرجوك ما في العلم غير التمامه
وإن ما اتفقنا قلت يالله عسى خير = لكن مثلك ما بحصل حرامه