[معلومات العضو الشكري]

المشاركة الأصلية كتبت بواسطة عامر النتيفات

القصيدة لاتحتاج للمقدمه
ساترككم مع ابياتها وهي تعبر عن نفسها
.
تقبلوها مع الود والتقدير وعذرونا على القصور
.
.

يابرق الجنوب الحال كيفه فداك اللاش = عساكم بخير ودايم الدوم متعافي
بعد طالت الغيبة وصار القصيد ارشاش = نبي الشعر يرجع يروي الناس يالوافي
نبي وقتنا اللي راح يوم الشعر بالكاش = نعيدة هنا في منتدى العز ويشافي
نقدر ظروف الوقت والشخص مهما عاش = ظروفه معه والوقت مادام له صافي
وندرك هجوس الشعر له فترة ينحاش = وفترات ياكثره ويجبرك للقافي
وانا اشتقت له وعروق قلبي عليه اعطاش = ذكرت الليالي ذيك وقلوب انظافي
لنا وانت جزلات تشرف مهيب افلاش = قصيد ينومس من نظر فيه ماعافي
بدعناه بديار هواها يصير انعاش = يشافي عليل القلب والوقت له جافي
قصيد يخص الدين والدار وايضا حاش = على النصح والتوجيه ومزوح(ن)خفافي
قصيد عدوده راهيه ماتصير اقطاش = بساتينها خضر والاوراق ورافي
بعد ماطرلي حن قلبي وهاض الجاش = ووجهت لك قافي ولا تجهل اهدافي
غلاكم حداني والوضع صار فيه انقاش = بعد ماانتهى سطرت قافي والاوصافي
لون الشعر يابو فهد صار جله طاش = ولا في الايادي حيلة غير ياكافي
وشعر الحداثه زاد ورد وعطر وغراش = مرايه وكراسه مع ازهار تنظافي
لكن العوارف تفرق القصر والاعشاش = وطعم العسل ماهوب كالسم الازعافي
هذا وسلم وسلم وكرر فداك اللاش = وتم الجواب وياعسى قولنا وافي

الشاعر الكبير والاخ العزيز / عامر النتيفات

صح الله لسانك والله يعز مقدارك

وافي وافي عوايدك

ومرسلها لشاعر كبير ووافي

وننتظر جزلات ابو فهد ( ونبي منك الغنايم )

بارك الله فيكم جميع


اخوكم / ابو عبد الله الشكري