أحب القصيد الجزل لو قالته الأحباش=هجل كيف لاقاله ولد عم وسنافي
هلا مرحباً ترحيبةً عطرها جيّاش=بك اليوم يا(عامر) فداك الفتى الهافي
هلا بالقصيد اللي نبع من صميم الجاش=يطيّر عماس اللي عقب سهرته غافي
عن الحال تنشد واستلم علمنا بالكاش=ترى حالنا إيسرّك عسى عمرك أضعافي
أنا من فضل ربي تجاوزتنا الأحراش=بعد ماوطت رجلي على درب الأحتافي
رزقنا كريمً طال رزقه عمي الأحناش=وهي في ظلام الغار عبر الدجا الخافي
تقلّب بنا الدنيا من الطاش لين الطاش=ونركب على موج البحر دون مجدافي
رعا الله زمانً فات يامكرم الهتّاش=قضيناه وإياكم على عز وإنصافي
وإذا حانت الفرصة وللشعر راسي شاش=فلانيب ذاخر دونكم ياالشلي قافي
أنا ما أعتبر للشعر قيمة ولايسواش=إذا مايحوز إعجاب عقّال وأشرافي
طراة العمر دينً وقلبً بلون الشاش=وخوة رجالً في المواجيب عرّافي
وأشوف أغلب الشعار همّه صور وفلاش=يبي يبرزونه في (فواصل) مع (أصدافي)
ولوكان شعره شوكةٍ مالها منقاش=يجيب المرض وكبودنا منه تنلافي
يدور بفلك واحد بمرواحً ومغباش :=..غزل فاقد العفة ومدح وتزلافي
يبادون أهل الإسلام بالقصف والرشاش=ولاهمّه ألا شوف منبوز الأردافي
ولايطرق الحكمة ولاينصح الغشّاش=ولاله معا زين التقاليد محرافي
لكن ذا يهون بجانب الجادل أم أرماش=لقب شاعرة يعطونها إياه زيّافي
تمثّل على العالم بطولة (مسلسل طاش)=وكل الهدف تسويق الأعداد بإغلافي
شعر عصرنا الحالي مريضً ويبغى إنعاش=عسى الله يشافي علّته والله الشافي
أقوله وهي وجهة نظر تقبل النقاش= ولا أبخس حقوق الشاعر المبدع الوافي
بلاشك يوجد من حمى الشعر من الأوباش=وفي منتدانا للجنيهات صرّافي
عسى الله يعافيهم إكعام العدو لاهاش=ويقلع رديين الفعايل والأوصافي
وعليكم السلام ورحمة الله وبركاته
الاخ العزيز والشاعر الكبير ابو فهد " برق الجنوب "
اررررررحب ترحيبةٍ تردف مليون ترحيبه يابوفهد
ارررررحب ترحيبةٍ تخضر بيابس الورق
ارررررحب ترحيبةٍ من واحدٍ يقدرك ويغليك والله اني صادق.
هذي الهقوه فيك يابوفهد ردك على مستوى طتلعات محبيك
على الشاعر الكبير ابوعبدالرحمن "عامرالنتيفات"
جزاله في القصيده وكل بيت في القصيده يغازل البيت الثاني
من قوة مايحمل من حكم ومواعظ يفتقر اليها الجميع.
واسأل الله رب العرش العظيم ان يجمعك انت واخيك عامر
على المحبه وطاعة الرحمن.
وصح الله السانك وعتلا شانك وزادك الله من زويد فضله
وتقبل تقديري واحترامي
اخوكم في الله / فهد الغريري,,,