[معلومات العضو ظافر الأمير]

ماجور يا شاكي عنى الوقت ماجور=وفي القلب من بعض المخاليق حره
دنيا غريبه ما بها شي محظور =مره تجي عالشف وتخيب مره
كم واحد بحظوره اِيضيّيق اِصدور=وفي غيبته ما تسلم الناس شره
وكم واحد بحظوره الكل مسرور=ويفقَد ليا من غاب لله دره
وكم واحد غاوي ولا يسمع الشور=فتان والشيطان للذنب جره
وكم واحد يسوى في الحرب طابور=وفالسلم تلقى الناس منه المبره
وكم واحد عينه على الخلق ناظور=جميع عثرات البشر ما تغره
وكم واحد صافي سريره ومستور=يموت ما بيح بمكنون سره
وكم واحد يضحك وخاطره مكسور=ولا شاف في دنياه شي يسره
وكم واحد يشكي من الظلم والجور=ولا شاف من شكواه غير المضره
وكم شاعر يكتب على أوزان وبحور=ونجمه سطع ويدور ضمن المجره
لكن زادت نفسه وصابه اغرور=وبشعره من أقرب قريب تشره
وكم ديرة وان صابها وابل بور=حتى ولو للسيل فيها ألف جره
وكم وادي وإن كان ما هو بممطور=إن ضاق صدرك لازم إنك تمره
دنيا غريبه ما بها شي محظور =مره تجي عالشف وتخيب مره

تحياتي للجميع
الأحد 10 رجب 1434