هذي قصيدة نصيحة للشاعر سليمان الربيض البلوي شفاه الله وعافاه
تعجبني ابياته وقصائده لما تحمله من معاني جميله
ابدا بذكر اللي له الناس ركــــــــاع
واوزن القيـــــــفان للي يــــــــعرفون
قافي ســــــــرى مايفهمه كل سماع
ودمعي جرى والقاف ساري على النون
من حيرتي داويت الاوجاع باوجاع
حافي قدم وامشي على شوك وغصون
ياهل ترى لامجت عن درب الاسناع
واطفيت ناري ياترى وش يقولـــــون
دن الهوند وخل نارك لها شـــــــعاع
والطيب يبقـــي والمخــــاليق يفــنون
والرزق عند الله وتحسين الاوضاع
بأمــــر الولي براقــــها يلقح مزون
وتمطر قراح ويشرب الحزم والقاع
وينبت بذار بالثـــــرى كان مدفـــون
من كال لك بالمد كيل البدل صاع
وجـــر اللـــحون اللي عليها يغنــون
يالله يامـــعبود ياخـــير فـــــــزاع
تفزع لنا يافارج كرب ذا المنــــــون
انا من المكتوب مانــي بــــجزاع
ودي صبر يرضيك ياخـــالق الكون
بحار مايـــسمع عنــيد وطمــــاع
اخطى بحياته والخطر صار مضمون
هبت عليه الريح والبــــرق لماع
وارعد سماها وامطرت خوف وظنون
معاكس التيار والمركب شـــراع
بينه وبين الســـــيف تسعين وشــــلون
حتى الامل ياناس لوما بعد ضاع
اليأس مني قـــاب قـــــــوسين او دون
دنيا عجايب همها صنوف وانواع
مامن خـــــفوق الا به الـــــهم مخزون
لي صاحب مطعون من بين الاضلاع
مكن صوابه اريش العين مزيون
وانا اجتلد ليلي من الهم ملتاع
وامصيبتي زورق وبحار مجنون
غريب ياعاشق من الحب مرتاع
تستفزع الاصحاب ودك يشيرون
ليش الحسايف يوم راع الهوى باع
مفتون غيرك ليش فيه انت مفتون
دامك نصحت القلب والقلب ماطاع
احذر تطيعه والكرامة تهينون
خله على فاله ولا ابغاك تنصاع
خله يبات الليل سهران محزون
يطرد سراب بخالي البيد خداع
ويلقاه زيف ويرجع الشوف مطعون
واعرف ترى طرد الجوازي لها اسناع
وانشد اهل الخبرات واللي يخبرون
وان كود ماترمي على ساق وذراع
والصيد جافل والقوانيص يرمون
تخطي ولا تضرب وسيعات الاكواع
ويفري نحرها زرف قناص دندون
ويصبح منابك غز نابك بالاصباع
وعمر الحسايف ماشفت غبن مغبون
ومني سلام اعداد مالج مذياع
على النبي اللي حضرتم تصلون
وسلامتكم منقول ساحات بلي