بسم الله الرحمن الرحيم
إدارة وأعضاء النتدى الكرام:
السلام عليكم ورحمة الله وبركاته وبعد :
أولاً أعتذر عن هذ الغياب الطويل غير المقصود ولكن بسبب المشاعل والظروف وأشكر
كل من سأل عني .
ثانياً هذه قصيدة أرسلت لي من الشاعر محمد بن عبد الله بن كلاوى المخاريم قالها في
المنتدى والقائمين عليه أود أن أسوقها لكم عسى أن تنال إعجابكم.
يقول الشاعر محمد
ياسلامي على الموقع وعمّاره=فكرت(ن) بيض الله وجه راعيها
منتدى للقبيلة شاعت أخباره=وثقت فيه حاضرها وماضيها
ينشر المعرفة ويفيد زواره=كل خصلة وفا هو من حراويها
أشهد إن العلوم الطيبة شاره=مايعز الرجال إلا هقاويها
منتدى العز نفخر به ومن داره=شاع صيته وذكره في نواحيها
معلم يحفظ التاريخ تذكاره=وأمة يربط أولها بتاليها
الوفا زين والأيام دواره= وآخر الوقت يامسرع تدانيها
والكواكب مع الأفلاك سياره=واكثر الناس تجهلهم باساميها
والزمن كل يوم(ن)تظهر أسراره=بس وين الحكيم اللي يراعيها
مثل من كوّن الموقع بمعياره=سيرة(ن) وفق الله من سعى فيها
وظف التقنية في صالح أفكاره=والسوالف يوثقها وراويها
منتدى للدواسر عالي(ن) كاره=يقبل الطيب والهزلات يرميها
قالها اللي يقدم معه معذاره=وده إنه جميع الناس يرضيها
وسلامتكم