[معلومات العضو صالح الجعيدي]

قصيدتين لــ الشاعر ربيعان بن هادي بن جريس الخييلي الدوسري:-

( 1 )

اشفيت فـي دوج جديـدٍ علـى الكيـس =راعـيـه نشـمـي ٍ يجـيـنـا يـسـوقـه
حنا في ارض من نبـت ربـي مفاليـس =نبـت الزبـيـدي واللـبـن مــا نـذوقـه
يالله إنـي طالبـك وجـن ٍ عرامـيـس =تشيـل ثقـيـل البـيـت والـلـي يلـوقـه
وذودٍ خـيـار ٍ وفيـهـا مجـانـيـس =واحلـى المعـاوش درهـا يــوم اذوقــه
وطياحها فـي القفـر مثـل العواسيـس =ونـبـت الوسـامـي بـتــراً عـنـوقـه
وفي الكف حر ٍ مـن خيـار القرانيـس =لا شــاف جــول الحـبـارى يـعـوقـه
وهذي طراة الــروح و الله يخزيك يابليــس =واللـي مــن الـنـاس يتـبـع طـروقـه

( 2 )

الله من واهج ٍ في الصدر شبت به الضيان =شبـوب الغـضـى والا وقــود الدوافـيـر
أنا قاعد ٍ فـي مقعـد الهـون والحقـران =لانـي فـي شغـل ولا برجـوا المظاهـيـر
والا يا عذابي كل ماشفت أنـا النسـوان =لامـن اقبلـن واقفـن وراحــن مسايـيـر
ياليتنـي طيـر واسفـح لـي بجنحـان =وبكسـر علـى الجيـان زينـات الاخاضيـر
واشكي على اللي يلحق الدرك لامن حـان =صبـور ٍ علـى الدنيـا يكثـر المخاسـيـر
يا راكب اللي تـم بـه الكـور والبـدان =مصيـونـة مــا دقلـوهـا بالمـدافـيـر
لا ذعذع النسناس مـن بعـد نجـم بـان =تشـوف العشايـر صلجـن وفيهـا معاشيـر