[معلومات العضو ذياب اليامي]

هني من قلبه دلوه ٍ و ممنوح=حاله كما حال البغل من غذاها
بين الاظله كنه السدو مطروح=همه رقاده والروابع نساهــا
قلبي كما واد ٍ من (الجند) مسروح =ليالْ مابه قشعة ٍ ما رعاهـا
كني بغبات البحر راكب ٍ لوح=تومي بي ارياح ٍ زعوج ٍ هواها
على اللذي بعيونه الناس ذرنوح=ما يبدي الغايه على من بغاهــا
وانا الى جيته غدا الصدر مشروح=يبدي لي اسرار ٍ على امه كماها
والله يا خلٍ صفط لي من الروح=لا اصفط لها من روح روحي جزاها
ما انا الذي يركي رفيقه على صوح=معطي كراب ايديه يبغي ملاهـــا
ولا ياصل الحروه يقع كل ممدوح=وان بعون الله لا اعدّي وراهــا

*الجند: الجراد