بسم الله والصلاة والسلام على اشرف الانبياء واطهر الخلق محمد رسول الله وعلى آله وصحبه اجمعين
هذه قصيده قيلت لرسول الله صلى الله عليه وسلم
للشاعر خالد العتيبي
بعد سمر الجدايل وانتخـت بالقذلـه الهلـه=تبي مني عروسٍ للقصيد ازريت لا غويهـا
ويومٍ اني لقيت لها الخلود وجيـت ابصلـه=تنحر كالكـلام اللـي فهقهـا دون مغليهـا
خضع لك راس مسبوق القصايد وانحنى كله=وانا بك شاعـر الدنيـا ومشغلها و ماليهـا
يذكرني رحيلك مجلسٍ باقـي علـى حلـه=مداهيل الرجال اللـي تنومسنـا مواطيهـا
هنا سليت سيفٍ يوفي الثاريـن مـن سلـه=هنا علقت رمحٍ يطعنى الجوزاء ويطفيهـا
هنا بينت مصحفـك الكريـم ودلنـا دلـه=معك نبدا مواعيـد الكـلام وننتهـي فيهـا
هنا سقيت غصنٍ من غلاك كنا تحت ظلـه=نسولف بالغنى يا بايـع الدنيـا وشاريهـا
هنا كان الرجال جبال ما تقبل خنـا الزلـه=عمايمها سحـابٍ وابلـه باقـي مواضيهـا
رجالٍ لو تشوف الماء غدر مـا شربتـه لله=نبت عشب الرضا ياسيدي بـاول مغازيهـا
هل التوحيد وكنوز العلوم ونصـرة الملـه=رجالٍ يضحـك التاريـخ لاولهـا وتاليهـا
هنا ماضيك ورياض الخليل اللي رعى خله=شربنا عذبها مادري لعبنـا فـي مغانيهـا
هنا تخنقني العبره وانا اكتب يارسـول الله=على قبرك نسيت الناس حاقدهـا وحانيهـا
وابو قبرٍ يته مـن الفخـر بالبيـد وتجلـه=على حسدٍ تبين مـن سمايمهـا وصاليهـا
ويهناك الوفاء قبرٍ يضمك فـي ثـرى تلـه=مدامه بين فردوس الجنان وبيـن منشيهـا
وانا لمن ذكرت فراقك اللي في يدي غلـه=نسيت ان الليالـي شيبتنـي مـن بلاويهـا
على بعد الزمان اللي يعقد الحبـل ويحلـه=ليا مني ذكرتك طاحت الدمعـه وراعيهـا
سلام الله ما هـز الصبـاح نسرينـه وفلـه=على الطفل اليتيم اللي عطى الدنيا معانيهـا
واللهم صلي وسلم على سيدنا محمد وعلى آله وصحبه اجمعين
