[معلومات العضو عاشق سراب]

المشاركة الأصلية كتبت بواسطة وسام العصا

سقت المشاعر كلها لك وانا سقت=قلبي وانا معنا الغلا لك وسقته
من لهفتي سجيت رجلي وسابقت=شوقي سبقني لك وقلبي سبقته
ما عاد تفرق دام كلي لك اشتقت=وباب ودك لي نصيب وطرقته
شمس الغلا شعت بنورك واشرقت=وبراق وصلك في سمايه شعقته
تبغا الوكاد ببحر حبك تعمقت=بمركب وله ابحرت وموجك عشقته
يوم ان قلبي رام حبك تعلقت=وأول حروف الحب باسمك نطقته
اتعبتني في غيبتك ليه عوقت=بقربك يطيب الكيف وهمي حرقته
انا وقلبي من سنين تفارقت=قلبي معك مع ذا انا الحب ذقته
صحيح في جزل العطايا انا فقت=كل البشر بس قدركم ما لحقته
لا تندهش اطلبك دين ولا بقت=ولو ما تسدد دين حبك سرقته
على النقا ياصاح لا شفت لا ذقت=الا ان طيفك لو يمر اعتنقته
حظي مجافيني وذا الوقت به ضقت=لا الحظ ساعدني ولا الوقت وقته
يمك انا والحظ لأقشر تسابقت=يالله عسى هاليوم حظي سبقته

__________________________________________________ _

	المتألق والمبدع دائما" يبقى كذلك عندما يحضر فأن حضوره يكون مميزا" وقويا" شكرا" لك أيها الرائع وشكرا" لحرفك الجميل دمت لنا مبدعا" ودمت لنا قمة من قمم هذا المنتدى الجميل لك ودي وتقديري