كان الذكا .. في منهجك تخدع الناس=يومـك تفاخـر بالخـداع وتباهـا
الله يقطـع صحبـةٍ مالهـا سـاس=صحبة مصالح لأجل حاجه بناهـا
كيف المبادي يا أهل العرف تنداس=صارت توجها المصالـح وراهـا
ماعاد للصحبـه مشاريـه وقيـاس=عند الـذي هانـت عليـه ونساهـا
كرهت صحبتهم مثل دم الأضراس=وعلاقتـي معهـم نـزل مستواهـا
في حالهم صاروا مثل طابخ الفاس=اللي تظاهر بالذكا .. مـن غباهـا
افكارهم عنـد المهمـات تحتـاس=مع قلـة الافعـال كثـرة حكاهـا
اتعب على اللي صحبته ترفع الراس=دنيا ودين .. وعز نفسـه رضاهـا
يذهلك الالبـاب يحبـس الانفـاس=نفسه رفعها ماخضع فـي هواهـا
ترى المواقف فالمواجيب نومـاس=مواقـفٍ يفـرح بهـا مـن لقاهـا
انا بليـت بقلـب طيـب وحسـاس=في وقت طيب اقلوبنا هـي عناهـا
بعض البشر لامن غلط قلت لاباس=يشفع لهـا عنـد الخطايـا غلاهـا
اصحابنا اللي بالوفا .. مالها اجناس=نغفر لها الزله .. وندمـح خطاهـا
ماني على هفوات الأجـواد بـلاس=نذكر محاسنها .. وننسـى رداهـا
بقلوبنا تسوى الجواهـر والألمـاس=نرفـع مكانتهـا ونشكـر وفاهـا
افعالهـم تبقـى مفاخـر ونبـراس=الله لحسنـات الامـور ايهـداهـا
ومن خلقة الدنيا ترى الناس للنـاس=والكل بالله فـي مساعـي رجاهـا
لا أعرف من قائلها،، ولكنها تحمل كثير من المعاني والكلمات الجزلة.
وتقبلوا خالص تحيات وتقدير أخوكم ومحبكم في الله/ صالح الجعيدي