لـو الليـالـي تعلمـنـا بطاريـهـا=كـل عـرف مسلكـه قـدام الوهامـي
الله أكبـر علـى الدنيـا ومـا فيـهـا=كم واحدغرتـه مـن طـول الأيامـي
دنيـا تقـلـب كثـيـرات بلاويـهـا=ومن صاح من ضدها ماهوب يلامـي
قـد ذقـت منهـا مرارتهـا وحاليهـا=مرت علـي الليالـي مثـل الأحلامـي
النـاس كـل يبيـع ويشتـري فيهـا=كل على شف بالـه تمشـي الأقدامـي
مسكين يالـي غشيـم وجاهـل فيهـا=والصحف تكتب عليك برؤوس الاقلامي
الي يكب الفريضـة مـا يصليهـا=يبشر بنار توقـد صلوهـا حاميهـا
من طاوع النفس والشيطان مغويهـا=يظهر من المجتمع ودروب الإسلامي
ناس على حـق الرحمـن هاديهـا=وناس تثير الفتن في الشرق والشامي
ونا س من الخير كاثرتن حسانيهـا=ومن يفعل الخير تكفي عنه الإعلامي
والناس تعـرف قبايلهـا وساميهـا=كل علـى قسمتـه خلفـي وقدامـي
وناس تشيل البلاوي فـي مخابيهـا=يمشون لابليس والشيطـان خدامـي
وناس مع الأبل كاثرتـن مساريهـا=وإذا أصبح الصبح لو ترميه ما قامي
مغبر مثـل البهايـم فـي مفاليهـا=يمره الوقت لاصلـى ولا صامـي
خطو الولد علتـن والكبـد مدميهـا=يخر على كبد ابوه جروح وأورامي
تهدي عليه النصيحة ما استمع فيهـا=يروح في ضيعته عام بعـد عامـي
خطو الولد حافـظ نفسـه ومغنيهـا=ولا نهمته يجيلك عجـل وولامـي
والحرملة ما احدٍ يلاقي الذرى فيهـا=وابو حقب ما يلاد الحـر غشامـي
ما كل من يقطر الشارة بيرميهـا=أحد يصيب الهدف وأحد بسم رامي
ظهّرجنون تـروع مـن يلاحيهـا=مغير يمشي بزيله جسم وعظامـي
سبحان رب خلق خلقه ومحصيهـا=مسلم وكافر ونصرانـي ونمامـي
راحت رجال الوفاء الي ينطمع فيها=خيّط عليهم صليب الحزم بلحامـي
ما باقـي الا منازلهـم وأثاريهـا=وإلا كتاب من التاريـخ وأسامـي
وش هي حياة الفتى والموت قافيها=تطويه الأيام طوية ذرعت الخامي
والنار ما تحرق ألا رجل واطيها=والروح لابد يقرب منه قصامـي
لا بد من حفرة يطوى اللحد فيهـا=ويقربون الدفاتر منك الأخصامي
أحـد سكـن حـفـرة امتهـنـيها=وأحد تعود عليه ذنوبـه ازحامـي
يالله أنا طالبـك نفسـي تنجيهـا=لا جاء نهار الرحيل وقرب ختامي
وصلاة ربي على أولها وتاليهـا=على محمد شفيع الخلـق لاقامـي
القصيدة مليئة بالنصائح،،، وسلامتكم جميعاً،،، وتقبلوا خالص تحياتي